Penulis : Abdul Jalil, Muhammad Iqramsyah Djalil, Muhammad Asmin Rahman

Penerbit : Pustaka Taman Ilmu

Editor : Abdul Jalil

Penata Letak : Abdul Jalil

Penata Sampul : Muh.Fadhil Hakim

Isi : 160 Halaman

eISBN : Sementara Proses

Harga : 100.000

Sikamma pammujia napatangi Alla Taala. Karaengna sikamma mahalloka. Karaeng ampasilebbasaki singaraka siagang sassanga. Ampasilebbasaki bulanga siagang mata alloa. Ampasilebbasaki pattaungnganga. Karaeng angsareaki kagassingang batang kale. Iya poeng karaeng angsareaki umuruk malakbu saggenna massing akkulleki seng angukuri sibukuang kana. Apaji nakiniakmo ammuji siagang appakatangkasa ri Alla Taala. Nasabba ni sareta injapa batang kale masalewangang. Siratangki massing sukkuru nalanri gassingnaja tubuta. Rannu massing pakmaitta, ciknong mamo massing atinta, tangkasa massing nyawata tanaleok salinbanra siagang ranggasela mandallekang ri erok kalompoanna Alla Taala. Maemaki naki niak appabattu sallang barisallang pappasalamak ri junjunganta Nabi Muhammad SAW. Nabbi lekbaka ni utusuk ri Alla Taala poro lani pajjari pamminawangngang ri sikuntu rupa tauwa ilalang anjappai tallasaka ri tompokna anne linoa. ia assanturuka siagang pappijokjo lebbaka napaturung Alla Taala. Dasi na dasi barang nipadongkokianji maknangnungang kalabbirang ri nabbita siagang ri keluargana, sahabakna, samborikna, kammayatompa ri sesena ummakna ia tuli niaka attaggala majarre ri agama islamnga. Anne tau nulisika buku sannak rannuna siagang sukkurukna nasaba nisare injapi buku magassing poro ampaklebaki anne annulisik siagang angsusungi bukua. Bajik ni assengna angkanaya punna erok tauwa annulisik buku, niakpa pangngassengan siagang majai buku lekbak ki baca ri oloanganna. Manna mamo anjo nak amma ka niak pangngellai siagang kasalewangang batang kale na sareangki Alla Taala na kullemo lekbak anne bukua. Anne bukua ni tulisi angngingbolongi sekrek pappilajarang mange ri katte ngaseng nani poro ampiassengi nikanaya gauk malabusuka. Anjo nikanaya gauk malambusuka rapangi sekrek sipak iyareka gauk mabajik. Jai takkimbolong pappasang panrita, pappasang agama, siagang pappasang tau toa. Iyami anne nani susung ajjari sekre buku barang ante kamma nakkulle ajjari sekrek pangngajarrang ri anak- anakta labattua. Anne buku niak injapa salanna, majai injapi ukiri siagang kana takjorok ilalangna. Nasaba katte rupa tauwa tena niballaki ni kanaya mahalluk sukuk kamma bulang sampuloa angngappa. Iyaminjo naku appala tangngarak ri katte ngaseng poro niakki akulle assare sangkak siagang pammatei nakkulle bajikangang pole. Ri oloang tenanapa naku tongkoki anne kana papparioloku, appalak tarima kasika ri sikamma bija- bijangku,sahabakku, borikuu, siagang sipammanakangku. Nasaba massing ia ngaseng angsarea paklomo-lomoang siagang amppakpalak doangnganga nakkulle lekba anne bukua. Sikammaji anne akkulle ku pabattu ri katte ngaseng. Dasi na dasi naki tuli niakja massing nisare batang kale leburang naki akkulle injapa annulisik poeng buku. Nasaba anne bukua sannak Jaina pakmatu- matuanna. Bajik na ri katte, lakbipa ri tau ma jaiya. Ri haderek kalmpoanna Alla Taala appalak pammokporo ri sikamma kana siagang giokku. Na ri dallekanna ngaseng naku molik panrannuang poro niak ambacai siagang ampakasiaraki anne sallang bukua punna lekbakmo. Salamakki naki para salama.